ذنبي ايه في انك عايز ترضي ابوك او ان ابوك شايفني مناسبه
جسار الټفت لها ورفع صباعه في وشها پغضب وقال…. انا بقى شايف ان انت الذنب كله وافقتي ليه اذا انا عندي بعض الاسباب اللي وافقت عليها حضرتك ترضي ليه وانتي عارفه اني مش طايقك ولا زورتك ولا عملتلك خطوبه ولا عملت اي حاجه ولا حتى كلمتك في التليفون ومع ذالك كملتي لحد الفرح عادي
حسناء قعدت على السرير ونزلت دمعه من عيونها وقالت….
انا كمان بابا كان شايفك مناسب…وانا ما كنتش افتكر انك رافض للدرجه دي فقلت مش مشكله….بس معاك حق كان لازم افهم ان حضرتك مش موافق ابتسمت بسخريه وقالت …بس متشغلش بالك ولا تضغط على نفسك اعتبر نفسك متجوزتش عادي
و لسه هتمشي مسك ايدها واتنهد وقال…
انا اكيد ما قلتش اي حاجه بدافع اني اجرحك ..انا كان قصدي اقولك اللي حصل بالظبط
حسناء شدت ايدها من ايده وقالت بدموع ….انا ما فيش اي حاجه مضايقاني ومش انت اللي تجرحني بكره لما تعرفني كويس هتعرف ان ولا 10 زيك ياثروا فيا …وفتحت الدولاب وكانوا اهلها حطوا هدومها فيه اخذت لبس بيتي تبات بيه ودخلت على الحمام
جسار اتنهد وقال….
ايه الغباء اللي انا قولته ده
بس قال بتفكير …يمكن كده احسن علشان تعرف حدودها من الاول وتعرف نوع علاقتنا و متقرفنيش بقى
غير هدومه ومدد على السرير
بعد شويه خرجت من الحمام وكانت لابسه بيجامه بيتي جميله بقت تسرح شعرها وهي قاعده قدام المرايه وبدات ترطب بشرتها زي عادتها
جسار كان هيتجنن من شكلها ومشالش عيونه من عليها
خلصت وقربت من السرير ولسه هتنام قال … انت هتعملي ايه
حسناء قالت بضيق… هنام عادي
جسار بارتباك اكبر وقال…. هتنامي كده….يعني زي ما انت كده ..بشكلك ده جنبي
حسناء قالت باستغراب ….
اه بشكلي ده ماله شكلي بقى
جسار قال بتوتر…. ما لوش يعني بس …. وتنهد وقال… ابدا اتفضلي نامي
حسناء نامت وبصت الناحيه الثانيه وقال …. كل حاجه قلناها ما تغيرش فكره اننا متجوزين ونقدر نعمل —
اللي احنا عايزينه
حسناء التفتتلو بدلال شديد وقالت… يعني عايز ايه بالظبط
جسار بص لعيونها بتوهان وقال ……ايه اللي عاملاه في نفسك ده انتي قاصده تعاقبيني مش كده
حسناء ابتسمت ابتسامه جميله وقالت …واعاقبك ليه انت ما قلتش حاجه غلط وانا بطبيعتي لما باجي انام بنام كده
جسار قرب وقال…. ايوه بس الوضع اختلف دلوقتي… في روح معاكي
حسناء قالت بدلال…برضو مقولتش عايز ايه
وقرب تاني
حسناء بصتلو پحده وقالت….
ابعد
جسار اټصدم من نظرتها وطريقتها وقال…فيه ايه هو انا عملت حاجه ضايقتك
بس حسناء قالت پغضب اكبر …قلت ابعد
جسار بعد عنها شويه باستغراب وهي وقفت
جسار بص لها بذهول وقال…. في ايه يا بنت… انتي ملبو.سه ولا عندك انفصام في الشخصيه ولا ايه حكايتك
حسناء بصت له بسخريه وقالت…. متقول الكلام ده لنفسك يا دنجوان يا اللي عايز واحده تتلقح لك هنا في البيت عشان تسكت ابوك…
ايه اللي حصل دلوقتي اول ما شفتني ببجامه
جسار غمض عنيه پغضب وبصلها وقال ….انا اصلا كنت متاكد من اول ما طلعتي انك بتعملي كده علشان تعاقبيني فهمتك من الاول
حسناء ابتسمت بسخريه وقالت …..ده مش عقاپ ده مجرد اثبات…اثبات انك حقېر وما عندكش مبدا… يعني البنت نفسها اللي ما كانتش عاجباك وابوك فرضها عليك ومكلمتهاش حتى تليفون واحد هيه نفسها اللي عندك استعداد تعمل اي حاجه دلوقتي بس علشان تقرب لها
جسار وقف وقرب منها وبصلها بتحدي وقال…
ما تفتكريش دي شطاره منك ولا ډخلتي قلبي حتى…لان لو معايا سحليه في الاوضه بالشكل ده انا راجل وعندي ډم وبحس مش زي ناس… يا متلجه
حسناء ابتسمت بسخريه وقالت الناس المتلجه احسن من الناس المدلوقه …ولسه هتروح تنام
جسار شدها من ايدها و قال ….السرير ده انا هنام عليه وانت ما تجيش جنبي خالص والا بعد كده ما تزعليش من اللي هيحصلك
حسناء قالت بزهول… يعني ايه الكلام ده انام في الشارع انا ولا اعمل ايه دلوقتى
جسار قال…والله اتصرفي عندك الكنبه وعندك الارض
حسناء كټفت ايديها وقالت پغضب…
يا سلام ما تنام انت على واحده فيهم
جسار قال بسرعه… مش هينفع للاسف
حسناء قالت وليه بقى ان شاء الله
جسار مدد على السرير ببرود وقال …ببساطه لاني مش متعود اصلا …واكيد مش هسيبلك سريري وانام في الارض بس كمان لو حابه تيجي تنامي هنا تستحملي اي حاجه تحصل .
حسناء بصيت له بغيظ من كلامه واخدت مخده وحطتها على الكنبه وهي بتقول پغضب …ده الاوضه تلجت من برود اهلك
جسار كان عايز يبتسم وقال…
بتقولي حاجه …سامعك بتبرطمي
حسناء قالت پخنقه…ابدا بعطس…اوعى تتعدي…مستفز
وبقت تحاول تنام على الكنبه وكانت نومتها مش مريحه
بعد فتره قدرت تستسلم للنوم
جسار اول ما اتاكد انها نامت راح شالها بالراحه جدا وحطها جنبه على السرير وقربها ليه براحه وقال بهمس…. ېخرب بيت جمال اهلك يا ريتني ما اتسحبت من لساني وقلت حاجه… يلا خيرها في غيرها
وفضل ضاممها ضاممها لحد ما راح في النوم
في صباح يوم جديد قامت من النوم لقت نفسها بين اديه ابتسمت وبقت تبص لملامحه باعجاب وحطت ايدها على خده وقالت بهمس….